Warka Subaxnimo

Warka Subaxnimo:

* Diyaaraddaha drones-ka dowladda mareykanka ayaa xalay duqeyn culus ka fuliyay Saldhig alshabaab ay ku leeyihiin deegaan lagu magacaabo Beer-xaano oo ka tirsan gobolka jubbada hoose.
Duqeynta waxaa lagu dilay Madaxii Amniyaadka Alshabaab ee gobolka jubbada hoose iyo madaxii zakawaadka alshabaab ee deegaanka beer-xaanno xilii halkaasi uu ka socday shir saraakiisha alshabaab u dhaxeeya.
Duqeyntaan waxaa amar ku bixisay dowladda soomalia sida uu xaqiijiyay Taliyaha qeybta 43-aad ee ciidamada xoogga dalka General Ismacil saxardiid.

* Dowladda soomalia ayaa qirtay in mareykanka uu taageeradii dhaqaalle ka goostay ciidamada xoogga dalka .
War ka soo baxay dowladda ayaa lagu sheegay in Dowladda federaalka iyo dowladda mareykanka ay isla garteen in Muddo kooban la hakiyo Taageerada la siiyo cutubyo ka tirsan ciidanka xoogga dalka si dib u qiimeyn loogu sameeyo gargaarka dhanka amniga ah.
Mareykanka ayaa horay u sheegay in uu jaray kaalmadii uu siin jiray cutubyo ka tirsan ciidamada xoogga dalka soomalia.

* Faah faahin dheeraad ah ayaa waxa ay ka soo baxayan dagaal u dhaxeeya alshabaab iyo Maleeshiyada daacadda u ah abuu mansuur oo shalay ka dhacay Deegaanka abal oo qiyaastii 18- km u jirta dagmada xudur ee gobolka Bakool.
Dagaalka waxaa qeyb ka ahaay ciidamada koonfur galbeed waxaana shabaabku ay sheegteen in dagaalka ay ku dileen wiil uu dhalay abuu mansuur oo lagu magacaabo C/llahi abuu mansuur iyo Taliyihii ciidamada roobow oo isna lagu magacaabo Manuur Ganeey.

* Kadib heshiiskii dhexmaray Galmudug iyo Ahlu-sunna waxaa markii ugu horeeysay calanka dowlad goboleed-ka galmudug laga taagay dagmada dhuusa-mareeb ee gobolka galgaduud.
Calanka galmudug iyo calanka soomalia oo is dhinac yaal ayey mar qura arkeen dadka dhuusa-mareeb dagan waxaana ay sheegeen in ay ku faraxsanyihiin Heshiiskii midnimada ahaay ee ay kala saxiixdeen madaxweynaha galmudug iyo Hogaamiyaha Ahlu-sunna.